【2012】華僑城之親子遊 - 酒店節目

呢間酒店房有六床, 岩晒我地班腐玩鬼

老公話似坐監喎..

睇完呢張相..都忍唔住笑

原來幾姊弟都係傻架

第一晚飲左八支紅酒, 玩到三點先瞓

第二晚飲左六紅酒, 仲勁..佢地玩到五點

【2012】華僑城之親子遊 - 酒店篇

我地出發勒..

Ma咪琴晚緊張到有小小失眠...因為第一次帶阿仔出門囉

估唔到家姐會帶呢部機俾邦邦玩

其實係羅湖過關都好快, 我地8:30係旺角上車...過埋關...10點多已經上到旅客巴勒

身後咁color既地方..就係我地住個間酒店勒

因為小坐得十個人到. 所以分左兩批人, 一批行, 一批坐車

Papa唔想等, 選擇了行..點知就捉蟲..要行斜路

到左酒店勒, 環境算唔錯, 望落都好乾淨

酒店外面

辦好晒手續上房勒

【邦 ღღ 23rd months】

邦邦已經23個月大喇...仲有一個月就兩歲


身高: 估計83cm, 屋企有身高尺

體重: 冇磅過, 只係覺得出街抱佢一陣, 已經好累
大致上都完全明白我地講咩架勒..

但唯一既o就係, 唔多願講野, 仲係lele lur lur 來表達..到呢一刻講得最多係: 爸爸, 打機, 乜乜, 食食, 掟, 伯伯

其次係: 媽媽, 婆婆, 姐姐, 車車

.................................................

辨認方面上算OK...係街

見到眼鏡, 會指住自己隻眼

見到手錶. 會指住自己隻手

見到片片, 會指住pat pat

見到食物, 會指住個口+食食

...............................................


同阿仔對話: Ma咪在toliet

阿仔: 拍門

我問: 你係邊個

阿仔答: 邦邦

............................................

某日Ma咪叫阿仔攞卷廁紙俾我

(我在廁所. 阿仔係廳, 卷廁紙係table)

佢竟然識攞之如...仲識撕一格俾我喎.

...........................................

【2012】華僑城之三天親子遊預備篇

第一次帶阿邦去旅行, 好驚帶留野.

上網睇過BB旅行o既清單

自己再執執

嘩..原來有咁多東西要拎架..

1. 一罐細奶粉
2. 兩餐糊仔 [後備]
3. 手指餅, 麵包
4. 一個奶樽+四個奶袋, 奶咀
5. 水樽, 一支蒸餾水, 熱水壼
6. 餐具, 較剪
7. 口水肩, 紗巾
8. 15條尿片, 濕紙巾
9. 毛巾, 嬰兒沐浴露
10. 衫, 褲, 襪
11. 帽, 外套
12. 防蚊, 防曬用品
13. 平安藥
14. 消毒紙, 膠布
15. 玩具
16. 平時訓覺陪伴
17. BB車

其實我最怕阿囝眼瞓時扭食奶,

Now開始盡量希望只食早, 晚兩餐奶, 中午同晚上盡量以食飯為主

【邦 ღღ 22nd months】

距離兩歲仲有兩個月ja !!!

Ma咪我就越黎越擔心.....

因為兩歲要返健康院做語言評估測試丫

到目前為止丫仔講到o既只有. 媽媽/嫲嫲(有時分唔清), 爸爸, 車車, 打打, 乜乜,

前兩日用雪糕引佢先肯講食食..嘻嘻

呢個月開始一有便便都會俾個potty佢坐, 等佢習慣下先在同佢除片片

始於食野方面, 係HOME佢可以食得好多. 都可以坐定定係sofa架, 因為有次食食下又走去玩 (忟忟地同佢講食晒先準落地lor),

個次之我餵佢食飯都無咁辛苦勒.

相反, 係嫲嫲到又食得小, 又走來去. 你迫佢坐呢, 又喊喎....激c


上個星期見邦邦既感冒已經好番晒勒, 拿拿聲同佢去打流感針勒, 醫生話小朋友係要分兩次打架喎...

【邦 ღღ 21st months】

距離兩歲仲有三個月ja !!! 重未肯講野

成日只會聽到乜乜=奶奶, 打打=打機

其他就.........

丫仔你幾時先肯開口呢?

真係令我擔心
每次見到大人食野, 佢永遠都有份, 自己既正餐又唔食,
嫲嫲成日話佢瘦......鬼咩,
除咗zzZZ, 無一分鐘係坐定定既, 又忟, 郁D就發皮氣, 唔瘦至奇啦........

有電話俾佢玩, 就肯人都跟...睇下佢, 幾專心

百厭既情度亦都加劇, 爬高爬低, 左撞右撞, 成日撞到頭

食飯咁耐同知己玩咁耐

知己話:今晚應該好好瞓

Ma咪話:你就好, 我就無得瞓, 玩到咁癲

結果出奇地丫囝好好瞓, 半夜無喊, 無叫食奶

呢個月開始. 如果想吾吾, 會不定扯片. 問佢坐啖罐好唔好.
佢會一支箭跑去廁所拎啖罐出廳
不過坐唔夠一陣又企起身, 望下啖罐有無野. 呢個動作會不定重複
最後都係未成功. 每次著番片就有勒.
anyway, 都係好開始..起碼James仔係肯坐

【邦 ღღ 20th months】

Hugo仔今個月已經踏入二十個月勒.

由呢個月開始唔再遂個月寫成長記錄勒, 因為平時寫BLOG都會提及到o麻,

二十個月大超百厭, 唔怕人鬧, 一唔鐘意就扭...變"大喊十"

過多幾個月就兩歲勒, 仲未識講野丫..係間唔中講到似似層層咁lor 12月份因為腸胃炎病咗成個星期, 原本有個小肚腩又無咗lu.

哎呀..衰豬無la la瞓到半夜要食奶添丫 開始幫手做家務..eg. 拎碗, 拎筷子同攞櫈

Johnson資訊~~James仔都有任性地打人同玩自己的生殖器(沖涼時)

本月，你可能會看到或經歷寶寶任性地打人、推人、咬人等行為。你需要平靜地讓他明白這些行為永遠都不會被接受。

你或許還注意到另一件事：兩三歲的寶寶喜歡玩他們的生殖器。這是出於他們天生的好奇心，無需擔心，除非他們不停地玩。當你的寶寶在公共場合摸自己時，別大驚小怪，只要向他解釋清楚，有些事情只能在家裏秘密地做便成了

【邦 ღღ 19th months】

James仔十九個月大勒...真係一日比一日百厭, 雖然未識講野, 但大部份時間問佢野都會點頭或擰頭答你, 交流多左, 感覺亦都好左好多....
瞓教方面 我覺得佢自己瞓床仔好D, 都會醒兩三次. 但唔駛理佢, 佢會自己瞓番

食野方面 唔知係咪食咗開胃丸, 胃口好咗. E+進量要James仔食固體食物

牙仔方面 都係10隻勒
講野方面 仲係叫Papa做 dada, 食食, 奶奶叫乜乜, mama,
技能方面 總括一個月比一個月進步

公告天下

1997年 ♥ 與Henry拍拖
2003年 ♥ 與Henry結成夫婦
2009年 ♥ 我的肚子裡已孕育了一個三個月大的小生命

踏入穩定期勒, 可以公告天下lu...

【阿仔】歲半勒

阿仔踏入歲半要返健康院打針勒!!

(歲半打白 喉 、 破 傷 風 、 無 細 胞 型 百 日 咳 及 滅 活 小 兒 麻 痺 混 合 疫 苗 - 加強劑針)

歲半發展監察..Failed..兩歲要返健康院@_@

問識自己行未, 問識唔識自己用杯飲水, 問識唔識自己用spoon食野 {pass},

問識分別到眼, 耳, 口, 鼻 {半 pass} 問識講野未, 要自發個隻 {Failed}

有三粒積本要求砌高, 阿仔唔肯做 {Failed}

姑娘再俾支筆要求係紙上面晝野 {pass}

最後有隻洋娃娃, 一隻碗, 一隻spoon. 不過姑娘無講考咩, 阿仔一見到, 就攞起spoon放入公仔個口到, 之後又放入自己到.

姑娘結論..雖然囝囝未識講野, 但係指令上好好, 好明白我地講o既野. 不過兩歲要再返健康院勒@_@ 我估係因為未識講野

[淋巴核]
今次要見醫生, 因為我地摸到阿仔後腦頸對上一點, 有兩粒軟的凸起物 "會郁"

醫生話係淋巴核, 係傷風感冒引起, 唔會消散, 唔大就得架啦, 問題唔大, 好多BB都會有

[身重方面]

歲半大 ^o^ 重 9.90 kg {21.78}, 高 80cm - 姑娘話體重ok. 有進步, 不過見意減小飲奶, 吸入多D固體食物, 咁個磅數會好小小
1歲重8.51 kg {18.72} 高 74cm
6個月重7.08 kg {15.57}
4個月重6.2 kg {13.64}
2個月重5.39 kg {11.85}
1個月重4.62 kg {10.16}
18日大重3.62 kg {7.96}12朝重3.35 kg {7.37}
出世時重2.95 kg {6.55}歲半同一歲時個樣差不多.

今朝6:45俾papa嚇醒, 突然間話阿仔好高燒 37.x.

Papa攞藥時我再探一邊37.7 & 一邊37.5.

E+好難餵藥. 食咗藥衰豬好明顯係好累. 不過仲好精神, 係都要拎住藥水玩.