11m。玫瑰疹(一)

呢個星期邦邦經歷人生第一次出o既病症"玫瑰疹"........,

雖然呢個疹唔係好嚴重病,

但係都攪到我同babi散晒....
初頭仲以為佢出牙仔, 所以先發燒

出院後第二朝真係出多左好多紅色細細點係個身同個面到,
我個心都放心D
.......呢d疹會越出越多, 維持3-4日, 之後就會慢慢退D紅點
(如果唔出既話, 真係唔知有咩事同唔知要攪幾耐).......真係......

• 生病

11m。玫瑰疹(二)

邦邦身上o既玫瑰疹開始退啦.

唔知係咪因為琴日用左盬茜水同佢沖涼呢.

最明顯係面仔同腳仔. 呢幾日邦邦除咗好忟之外,

總好累tim ar. 成日都想瞓. 不過甘都好.

我令遠佢覺覺豬,

好過佢扭計

11m。放假出院

19 April 2011, 放假

今朝返到公司拿拿聲做晒急野4點半返home. 沖埋涼就過醫院.

因為諗住係醫院陪邦邦. 等Babi可以番home休息lor.

今日邦邦好似精神左小小. 不過仲係無乜胃口,

1點鐘探過37.5, 到3點幾再探又上番39.1 哎呀!

姑娘話要食藥同埋叫我比多D水佢飲. 所以嘈到成房人醒晒lor.

病咗幾日成個廋晒啦"陰公"

連玩老虎仔都係瞓係到. 佢真係好累

好彩食完藥好快瞓番. 到第朝7點比姑娘嘈醒.

7.30見到babi仲買埋早餐比我食tim. haha. 而邦邦都食咗1/3粥仔.

8.30磅重, 邦邦又輕左8.3kg, 而我都輕左41.85, 個嬸嬸以為睇再. 仲磅左2次tim

原本諗住等埋醫生先走. 點知等到10.30都唔見人.

我先同99講你見完醫生打比我. 11點左右收到電話,

話report出晒無問題, 懷疑係出診喎.

醫生話BB唔係好高燒, 可以比佢放假返home. 明天9點返黎覆診就可以.

5點半去到醫院, 姑娘話無燒出得,

但我地返到home探有小小. 不過食過一次之後就無啦.

 

20 Apirl 2011,走得返home lu

我地準時9點返到病房, 姑娘探熱, 無燒. 到見醫生個陣,

驗查時, 話BB身體開始出紅點點. 叫我地留意下啦.

如果係嚴重就去睇醫生. 最緊要係無發燒就唔太問題架la

之後我地就離開醫院啦. 邦邦即時笑晒

11m。留院

邦邦留院呀

因為發燒同嘔醫生怕佢缺水. 所以見意入院check下睇下咩事.

其實星期六已經覺得佢呆呆地同有D熱熱地.

不過Babi話可能天氣嗜. 所以都無乜為宜.

星期日仲係覺得佢好熱.

一探38.10即刻比退燒藥佢食.

第一次食完都得架37.50放心D.

無耐再同佢探又高番,

又比多次藥佢食同沖暖水涼.

唔知係咪D藥唔得. 再探時38.70.

我同Babi講唔去食飯啦. 入急政啦. 因為星期日又係夜晚無醫生睇.

去到醫院探38.10 姑娘話小小燒. 坐下先如果你覺得再熱同佢講.

邦邦可能好唔舒服. 見佢好好累. 成身無乜力甘. 見佢口仔乾乾地. 比水佢飲.

點知等見醫生個陣佢突然嘔. 當時我好陣定架.

但周圍既姑娘就好大反應. 不停嘩..嘩..嘩..我心諗都唔知佢地嘩乜.

經醫生check過, 佢都話入院比較好D. 搞咗一輪先上到房.

邦邦輕咗好多8.44kg高73.5cm.

原本我諗住留係醫院. 但邦邦嘔到我成身mike.

所以都係返home.

Bbabi就留係醫院陪邦邦.

我走時邦邦抱得我好實呀. 成間屋得我一個人好唔習慣, 成晚心啩啩.

唔知babi搞唔搞得點. 又怕唔退燒.

第朝打比babi佢話半夜燒到39度. 好高燒. 好彩e+退番.

不過佢話燒下退下. 小便結果出咗, 有小小問題, 要再check多次.
希望快D好番無事啦.

11m。開心假期

邦邦比Babi玩到氹氹轉

第一次去公園玩

 

【邦 ღღ 11th months】

【邦】11個月大時

第一次落波波池玩

玩到癲咗. 初頭仲以為佢會驚. 點知你地睇下

同波波池大戰完15分鐘之後..累到佢

行: 都係周圍爬多, 自己可以企係到鈔鐘, 開始識行幾步

瞓: 同之前一樣有時可以一教到天光, 都仲係好醒瞓.

食: 2-3餐奶, 1-2餐粥. 不過呢個幾星期好搞笑, 衰豬唔肯食粥只食肉(嫲嫲話佢係食肉BB)

雜糧: 麵包, 星星餅, 手指餅.

說話: 未識講野. 想要乜就手指指, 唔比就發皮氣.

總括: 邦邦越大越扭計