【長達48小時的分娩過程】
4月29日 ~ 返工, 有小小經痛感覺
4月30日~ 開始放假
5月1日 ~ 早上痛密咗, 食埋早餐, 沖埋涼入院. 去到登記交醫生信比護士. 之後入護士室做檢查. 檢查一大輪就入房等醫生黎, 醫生話我未生得, 只係開始陣痛咋. 所以轉咗我去後產房 [都知無甘快架勒, 所以帶定NDS], 點知痛到覺都瞓唔到. 聽人講行多D會易生D. 所以就周圍行, 希望可以快D生. {勁開心} 等到探病時間啦. 見到老公, 媽咪, 家姐, 99佢地黎探我. 媽咪仲帶咗飯比我食. 但我太痛啦, 食咗小小咋. 佢地走咗之後, 真係訓唔到. 所以係走廊慢慢行..行吓又痛吓. 痛就企係度唔行lor. 有個助理叫我小心問我係咪好痛? 係咪第一胎? 我話係..之後佢同我講左句好驚既野..第一胎..有排痛架.. 起碼痛十幾廿個鐘架. 唔係呀..E+先9點幾. 點捱呀. 到半夜痛到有小小想去大就同護士講, 執好行理之後..就推左落產房. 一入到去. 姑娘就問要唔要去廁所? 如果唔去..上左床駁哂機就唔可以去架啦. 當然去啦 (入產房個陣唔知係凍還是驚, 成個人都發震). 之後開始吸笑氣(諗番起我覺得好似無乜用(一様咁痛).
5月2日 ~ 半夜1點幾穿羊水(仲辛苦仲痛). 實在頂不順, 同姑娘講要打止痛針, 頭個2個鐘都仲ok. 之後就痛到失去理性, 不停大叫, 大叫"我要開刀呀! 好痛! 我生唔到! 好辛苦呀!" 不過係無人理我架. 有..有1個護士幾好架, 佢同我講唔好叫丫, 叫到自己無晒氣. 唔夠力生架.
5月3日 ~ 清晨6點幾, 醫生同我檢查, 話可以打催生針, 姑娘仲問我打唔打埋第2支止痛針. 緊係打啦..唔知係咪打在止痛針同吸得太多笑氣(唔知一支定2支), 感覺好暈, 好high, 但仲好痛. 好彩痛到11點半到..姑娘話可以推我入產房. 準備好就叫老公入黎陪產. 護士教我點做點用力. 唔好叫出聲忍住道力用力谷，不過試咗幾次都唔得. 其中有個就當我用力個陣佢就幫手推, 過咗一陣佢地就話頭仔出左黎勒..無耐就聽到亞仔既喊聲(聽到喊聲個刻好開心同好舒服), 護士就抱起BB問我你個BB係仔定女丫. 問完就同BB剪臍帶, 同BB抺下身就抱過黎俾我睇勒. 之後就聯針(唔痛全個過程痛咗2日半, 生產過程到聯針只係20分鐘). 生完無晒體力(2日2夜無得瞓,無得食). 過到病房食咗小小野就休息.
到探病時間姑娘推番BB比我啦. 
老公都好辛苦架。佢連續２日坐係房門呆等。又要早起身，又唔夠瞓，真係好累。老公。
